मुसाबनी रे वीर शंहीद दिलीप बेसरा हा: पुन गेल मित सेरमा जानाम माहा को मानाव के आ

मुसाबनी रे वीर शंहीद दिलीप बेसरा हा: पुन गेल मित सेरमा जानाम माहा को मानाव के आ 

सिरफा हाटिञ तुलूज नेवता पेड़ा आर शहीद रिन एंगात आपात

मुसाबनी : प्रखण्ड रेया: बेनाशोल फुटबॉल डाही रे वीर शंहीद दिलीप बेसरा हा: पुन गेल मित सेरमा जानाम माहा अडी जोमोक ते को मानाव के आ । वाई बी सी बेनाशोल होतेते फुटबॉल हेपराव, खेलोन्ड हेपराव आर एनेज सेरेञ कामी होरा को सापड़ाव ले आ । नोवा ओक्तो रे मारां पेड़ा लेकाते घाटशिला विधानसभा विधायक मानोतान रामदास सोरेन, मुसाबनी प्रखण्ड विकास पदाधिकारी सीमा कुमारी, घाटशिला सी ओ राजीव कुमार, बहरागोड़ा सी ओ जीतराम मुर्मू, मारे जिला पार्षद बाघराय मार्डी, झारखण्ड मुक्ति मोर्चा प्रखण्ड अध्यक्ष प्रधान सोरेन, विधायक प्रतिनिधि जगदीश भगत, बेनाशोल पंचायत मुखिया सुकुरमनी हेम्ब्रम, पाहिल सैनिक परिषद धानु टुडू एमान सेलेद को ताहें काना । नेवता पेड़ा को दो शहीद दिलीप बेसरा आपात सिंघराय बेसरा आर एंगात फूलमनी बेसरा तिकिन लुगड़ी एम काते को सारहाव केत किना । कमिटी पाहटा खोन नेवता पेड़ा को दो बाहा थोपे चाल काते को सागुन दाराम केत कोवा । नोवा ओक्तो रे नाना हुनार खेलन्ड हेपराव को सापड़ाव केत आ । नोवा हेपराव रे सुर साड़गे रिन आयमा तिरला आर काटिज गिदरा को हों को सेलेद एना । नेवता पेड़ा को दो सोरेस खेलोन्डिया, सिरफा को चाल आद कोवा । मारां पेड़ा रामदास सोरेन ए मेन के आ जे आजा: कुरू मुटू ते दिशोम लागिद को शहीद आकान जवान रिन ओड़ा: होड़ को राज्य सरकार पाहटा खोन सम्मान ञाम ओचो रेया: निहात ए कामीया ।