विधायक रामदास सोरेन दो बारया रूम स्कूल भवन कामी रेया: ए शिलान्यास के आ
 |
| स्कूल भवन कामी रेया: शिलान्यास तुलूज विधायक रामदास सोरेन |
मुसाबनी :- प्रखण्ड धोबनी पंचायत रेया: डुंगरीडीह फॉरेस्ट कॉलोनी प्राथमिक विद्यालय रे घाटशिला विधायक रामदास सोरेन दो डी एम एफ टी फंड पाहटा खोन बेना: लागिद बारया रूम स्कूल भवन रेया: शिलान्यास नेरकोड़ काते कोराव के आय । नोवा ओक्तो रे विधायक गोङके साँव जिला पार्षद लक्ष्मी मुर्मू , धोबनी पंचायत मुखिया रामचन्द्र मुर्मू , झामुमो प्रखण्ड अध्यक्ष प्रधान सोरेन, सचिव सोमाय सोरेन, प्रियनाथ बास्के, माझी बाबा आर आतु होड़ सेलेद को ताहें काना । स्कूल सेटेर साँवतारा आतु होड़ दो नेवता पेड़ा को बाहा माला आराव काते को सागुन दाराम केत कोवा । फॉरेस्ट कॉलोनी डुंगरीडीह रे दो क्लास रूम रेया: ओभाब ते बारया कमरा रे गे एक खोन पाँच क्लास रिन गिदरा को पाढ़ा: काना । ओनाते आतु होड़ दो अडी सेरमा खोन रूम बेनाव लागिद माँग ताको ताहें काना । मानोतान विधायक गोङके या: कुरू मुटू ते डी एम एफ टी फंड पाहटा खोन 16 लाख 12 हजार लागत टाका ते बारया रूम स्कूल भवन रेया: शिलान्यास हुय एना । नोवा बारया कमरा भवन बेनाव लेन खान पाठुवा गिदरा अडी सुविधा को ञाम आ ।
Tags:
मुसाबनी