मुसाबनी रे मारे मंत्री बोंगा ताला आकान यादुनाथ बास्के या: जानाम माहा अडी रास्का ते को मानाव केआ

मुसाबनी रे मारे मंत्री बोंगा ताला आकान यादुनाथ बास्के या: जानाम माहा अडी रास्का ते को मानाव केआ

खेलोन्डिया साँव तिंगु आकान विधायक रामदास सोरेन आर आज् रिन सापोटार

मुसाबनी रेया: रांगामटिया आतु रे मारे मंत्री बोंगा ताला आकान यादुनाथ बास्के या: जानाम माहा को मानाव के आ। नोवा ओक्तो रे यादुनाथ बास्के मेमोरियल स्पोर्ट्स क्लब पाहटा कोन मित्र दिना: फुटबॉल खेलोन्ड हेपराव को दोहो ले आ । नोवा रे मारां पेड़ा लेकाते घाटशिला विधायक रामदास सोरेन सेलेद् ए ताहें काना । साँवते झारखण्ड मुक्ति मोर्चा केन्द्रीय सदस्य कान्हू सामन्त , प्रखण्ड पारसेद् साँव २० सूत्री पारसेद् प्रधान सोरेन , सुतरेद् सोमाय सोरेन एमान सेलेद् को ताहें काना । नोवा ओक्तो रे मारे मंत्री बोंगा ताला आकान यादुनाथ बास्के या: चितार रे सानाम नेवता पेड़ा को बाहा माला आराव काते उनी को उयहार आंजले केदेया ।मारां पेड़ा दो खेलोन्डिया कोड़ा कोवा: उपुरूम हाताव काते फुटबॉल ए थिया केद् साँवते फाइनल मैच ए एहोब् के आ । नोवा मैच रे जामशोल दो २-० ते जितकार एनाय । विधायक रामदास सोरेन दो मारे मंत्री या: ओड़ा: सेन काते ओड़ा: होड़ साला: ए ञापाम एना आर एरा बासोमती बास्के या: दुख सुख , बुगी बाड़िज् काथा कोय बाडाय के आ ।रामदास सोरेन ए मेन के आ जे यादुनाथ बास्के दो मेतटां आपात लेकान होड़ ए ताहें काना। नोवा छेत्रो रे झारखण्ड मुक्ति मोर्चा पार्टी रेया: ए एतोहोब् ले आ। उनीया: उयहार को दोहोय लागिद् मुसाबनी १ नम्बर पोस्ट आपिस माट रे मानमी सोमाना: मैढ़ लागाव आ । ओना साँवते उनीया: ञुतूम ते आदिवासी संस्कृति दोलान हों बेना: आ ।