माझी पारगाना माहाल होतेते पावड़ा तोरोप पारगाना पाथरगोड़ा रिनिज रवि हाँसदा दो दाहड़ी तोल काते नावा पारगाना को बेनाव केदेया
 |
| दाहड़ी तुलूज देश पारगाना बैजू मुर्मू |
मुसाबनी :- प्रखण्ड रेया: पाथरगोड़ा आतु उल बागान रे माझी पारगाना माहाल होतेते नावा को बेनाव केदे तोरोप पारगाना रवि हाँसदा हा: दाहड़ी तोल कामी होरा को सापड़ाव के आ । नोवा कामी होरा रे मारां पेड़ा लेकाते देश पारगाना बैजू मुर्मू साँवते माझी पारगाना माहाल पाहटा खोन जिला रिन सानाम माझी बाबा आर भोदरान, सेलेद रे को ताहें काना । कामी होरा एतोहोब रे बोंगा ताला आकान मारे तोरोप पारगाना सन्नी हाँसदा हा: आत्मा शांति लागिद बार मिनटा: मौन को दोहो के आ । इना तायोम देश पारगाना बैजु मुर्मू वा: ती ते दाहड़ी तोल काते रवि हाँसदा दो तोरोप पारगाना को बेनाव केदेया । नावा पारगाना दो आदिवासी संताल साँवता आतु दिशोम रे राय रीत बाञ्चाव दोहोय लागिद नापाय ते कामी लागिद किरा होंय हाताव के आ । नोवा ओक्तो रे माझी पारगाना माहाल कोवा: वाट्सएप ग्रुप हों को उछान एहोब के आ । नावा तोरोप पारगाना रवि हाँसदा मेन के आय जे संताल साँवता रेया: नुना: मारां पोद ञाम काते दायित्व हों मारां एना । साँवता रिन जोतो होड़ा: सुख दुख कामी रे हमेशा माड़ां रिञ ताहेना ।
 |
| वाट्सएप ग्रुप लॉन्च जोखोन माहाल रिन पदाधिकारी |
कामी होरा रे सेलेद ए ताहें कान तालसा माझी बाबा दुर्गा चरण मुर्मू मेन के आय जे मारे तोरोप पारगाना सन्नी हाँसदा अडी टाटका गे बोंगा ताला एनाय, अडी दुख रेया: काथा काना, एनते रे हों पातयाव मेना: आ जे नावा तोरोप पारगाना हों आबोवा: साँवता लाहाय लागिद आजा: दायित्व अडी नापाय ते पुराव आय । आर होंय बाडाय ओचो केद कोवा जे आबोवा: ओल चिकी भाषा ते पढ़ाव एहोबो: रेया: , माचेत को बहाली लागिद, संताली भाषा राजभाषा दर्जा ञाम ओचोय लागिद सरकार ठेन 27 जून धारिजा: अल्टीमेटम को एम आकादा । जुदी नोवा माँग बाय पुरा: आ एनखान 4 जुलाई हिलो: पूरा झारखण्ड बंदी बोन एलान एदा । नोवा ओक्तो रे पाथरगोड़ा माझी बाबा सुदर्शन हाँसदा, मातु मार्डी, फागु लाल किस्कु, कुना राम हाँसदा, पुन्ता मुर्मू, दासमात हाँसदा, हरिपदो मुर्मू, बहादुर सोरेन, सुधीर सोरेन, बोदेन किस्कु, मधु सोरेन, करूणा मुर्मू, पंचानन सोरेन, चाँदराय मुर्मू, भागीरथी सोरेन, मेघराय सोरेन, अशोक कुमार सोरेन, नगेन्द्र मार्डी, कान्हु बास्के, प्रसेनजीत हाँसदा , शोले हाँसदा, सालखान किस्कु, ईश्वर बास्के, कारूराम बास्के, धुनू माझी, सिंघराय हाँसदा, जगदीश बास्के, सुकुमार हाँसदा, मोहन चन्द्र मुर्मू, मंगल हाँसदा, सुखदेव हाँसदा, दुर्गा टुडू, मायदी हाँहदा, शांति हाँसदा, सलमा हाँहदा आर सामान पाथरगोड़ा आतु होड़ सेलेद को ताहें काना ।
 |
| माझी पारगाना माहाल रे दुपुड़ुब |
Tags:
मुसाबनी