डुमरिया दासोडीह आतु रेया: फुटबॉल हेपराव रे आतु रिन जावाँय टीम गे को सेलेद दाड़े या: आ

डुमरिया दासोडीह आतु रेया: फुटबॉल हेपराव रे आतु रिन जावाँय टीम गे को सेलेद दाड़े या: आ

खिलाड़ी साँव सेलेद विधायक संजीव सरदार

डुमरिया :  प्रखण्ड रेया: राजाबासा दासोडीह आतु रे कोसको इलेवेन होतेते दोसार सेरमा पुराव मित दिना: सुपर जावाँय फुटबॉल खेलोन्ड हेपराव को सापड़ाव ले आ । फाइनल मैच रे मारां पेड़ा लेकाते पोटका विधानसभा विधायक मानोतान संजीव सरदार, मान आन पेड़ा लेकाते मुखिया सुरेश हेम्ब्रम, झारखण्ड मुक्ति मोर्चा प्रखण्ड अध्यक्ष मिर्जा सोरेन, 20 सूत्री अध्यक्ष भगत बास्के, सचिव जयपाल सिंह मुर्मू, युवा मोर्चा प्रखण्ड अध्यक्ष भगत हाँसदा एमान सेलेद को ताहें काना । नेवता पेड़ा दो खेलोन्डिया कोड़ा  को साँव उपुरूम को हाताव के आ आर फुटबॉल थिया काते फाइनल मैच को एहोब के आ । नोवा फुटबॉल हेपराव रेया: हाहाड़ा ञेल जोङ दो नोवा जे नोडे ना: टीम रे दो आतु रिन जावाँय को को ताहेना आर बाङ खान जावाँय को आगु आकात टीम गे को खेल दाड़े या: आ । नोवा सेरमा दो 16 टीम भाग को हाताव ले आ । मैच दो अडी गे सोरेस हुय एना । नोवा ञेञेल लागित सुर साड़गे खोन आयमा होड़ को गादेल लेना । फाइनल मैच रे नुनिया टीम दो जामशोल टीम ए हाराव केदे ते 10 हजार टाका पुयलू सिरफाय हामेट के आ ।