मुसाबनी थाना रे होली पाराब नापाय शांति ते मानाव इदी काते शांति समिति रेया: दुपुड़ुब हुय एना

मुसाबनी थाना रे होली पाराब नापाय शांति ते मानाव इदी काते शांति समिति रेया: दुपुड़ुब हुय एना 

होली पाराब इदी ते मुसाबनी थाना रे शांति समिति कोवा: दुपुड़ुब

मुसाबनी : जादुगोड़ा आर डुमरिया थाना क्षेत्र रे नापाय शांति ते होली हुयू: मा रेया: शांति समिति कोवा: दुपुड़ुब मुसाबनी थाना रे हुय एना । नोवा दुपुड़ुब रे मुसाबनी डी एस पी चन्द्रशेखर आज़ाद, प्रखण्ड विकास पदाधिकारी सीमा कुमारी, मुसाबनी थाना प्रभारी राजा दिलावर, जादुगोड़ा थाना प्रभारी संजीव झा, डुमरिया थाना प्रभारी संजीवन उरांव आर पेया थाना क्षेत्र रिन जनप्रतिनिधि साँवते शांति समिति रिन सदस्य एमान को सेलेद एना । दुपुड़ुब रे मारे सी ओ बोंगा ताला आकान राम नरेश सोनी या: आत्मा शांति लागिद बार मिनटा: मौन को दोहो के आ । इना तायोम पदाधिकारी को दो जोतो शांति समिति रिन सदस्य को होली पाराब नापाय शांति ते मानाव लागिद बाडाय जोङ काथा को लाई आद कोवा । होली पाराब रे नेयाव तापाम आर बाड़िज घोटोना को आलो हुयू: मा रेया: जनता ठेन हों नेहोर आरदास को दोहो के आ । नोवा ओक्तो रे आदिम जनजाति कल्याण समिति रिनिज जिला अध्यक्ष रानी सबरीन, उप प्रमुख काकोली घोष, मारे उप प्रमुख रवि घोष, बेनाशोल पंचायत मुखिया सुकुरमनी हेम्ब्रम, सुरदा पंचायत मुखिया ईसाक बखला, सांसद प्रतिनिधि सत्या तिवारी, जयन्त घोष, समाजवादी पार्टी रिनिज प्रदेश उपाध्यक्ष नसीम बक्स आर आनंद हेम्ब्रम एमान सेलेद को ताहें काना ।