मुसाबनी रे सीड्स संस्था रेया: गोड़ो ते महिला सशक्ति मंच होतेते महिला दिवस समारोह को सापड़ाव केत आ

मुसाबनी रे सीड्स संस्था रेया: गोड़ो ते महिला सशक्ति मंच होतेते महिला दिवस समारोह को सापड़ाव केत आ 

मंच रे सेलेद् मारां पेड़ा डॉ. शुभ्रा द्विवेदी

मुसाबनी :- रेया: मारे औद्योगिक क्षेत्र आदर्श मध्य विद्यालय रे सीड्स संस्था पाहटा खोन गोड़ो सोपोहोत ते महिला सशक्ति मंच होतेते महिला दिवस समारोह को सापड़ाव के आ । नोवा रे मारां पेड़ा लेकाते सीड्स संस्था रिनिज सुतरेद् डॉ.शुभ्रा द्विवेदी आर मान आन पेड़ा लेकाते जमशेदपुर खोन ए हेज् सेटेर लेन माचेद्तीन श्रीमती सुष्मिता पात्रो, समाजसेवी श्रीमती हर्षदीप कौर तिकिन किन सेलेद् लेना । नोवा ओक्तो रे महिला सशक्ति मंच रिन सदस्य को होतेते घारोंज रे नेयाव खपारिया आर दोसार बापला, बारया नाटक को उदु: सोदोर के आ । तिरला को ताला रे क्विज कम्पिटीशन हों को दोहो ले आ । समूह रिन सदस्य आर कुड़ी गिदरा को दो एनेज सेरेञ हों को उदु: सोदोर के आ । समूह रिन सदस्य को दो आरजाव आकाद सामान रेया: स्टॉल हों को लागाव के आ । समारोह रे सीड्स संस्था रिनिज सुतरेद् डॉ.शुभ्रा द्विवेदी दो संस्था कामी होरा बाबोत ते लाई बाडाय ओचो केद् कोवाय जे सीड्स संस्था दो पूर्वी सिंहभूम रेया: मोड़े गोटां प्रखण्ड रे तिरला को जुमिद दाड़े बाबोत कामी होराय चालाव एदा। घारोंज आर साँवता रे तिरला को हों सोमान होक आयदारी को ञाम मा, मान सम्मान को ञाम मा , तिरला चेतान रे हुयू: कान बाड़िज बेभार को बोन्दो: मा, नोवा लागिद संस्था पाहटा खोन आतु रिन कोड़ा आर पंचायत प्रतिनिधि को हों जोड़ाव इदी एद कोवा । नोवा कामी होरा रे श्रीमती मालती माझी आर श्रीमती पूजा सोरेन तिकिन दो मंच रेया: किन संचालन के आ । श्रीमती लता मानकी दो नेवता पेड़ा कोय सगुन दाराम केत कोवा आर श्रीमती यमुना मार्डी दो धन्यवाद ज्ञापन ए एमाद कोवा । कामी होरा सफल बेनाव लागिद महानन्द झा, श्रीमती लक्ष्मी किस्कु , राजु सबर, रंजीत टुडू आर एमलीना टुडू एमान कोवा: गोड़ो ताहें काना ।

समारोह रे सेलेद् मंच रिन तिरला को