विधायक रामदास सोरेन दो मुसाबनी प्रखण्ड रे दौरा काते योजना रेया: उद्घाटन आर ओत बोंगा के आय
 |
| आहार रेया: उद्घाटन तुलूज विधायक रामदास सोरेन साँवते समर्थक |
मुसाबनी : प्रखण्ड रे विधायक रामदास सोरेन गोङके दोय दौरा के आ । दौरा कामी होरा एतोहोब रे मुसाबनी रांगामाटिया रे भूमि संरक्षण विभाग होतेते बेनाव आकान मारे मंत्री बोंगा ताला आकान यादुनाथ बास्के या: आहार जीर्णोद्धार कामी , नेरकोड़ पोसा: काते उद्घाटन के आय । नोवा आहार दो लगभग 22 लाख लागत ते बेनाव आकाना । इना तायोम दोसार कामी होरा दो फॉरेस्ट ब्लॉक पंचायत रेया: सोमायडीह नाकटी रोड़ो नाला रे लघु सिंचाई चैक डैम कामी एतोहोब , बोंगा बुरू साँवते नेरकोड़ पोसा: काते ओत बोंगा के आय । नोवा योजना दो लगभग 60 लाख लागत ते बेना: आ । नोवा बानार योजना ते गे चासी को अडीगान लाभ को ञामा । रोहोड़ सितुङ दा: रेया: आकुत बेड़ा रे हों चासी को लागिद गेल बार मास दा: ञामोगो: रेया: आशा मेना: आ । नोवा ओक्तो रे विधायक गोङके साँव झारखण्ड मुक्ति मोर्चा केन्द्रीय सदस्य कान्हु सामन्त , प्रखण्ड अध्यक्ष प्रधान सोरेन, सचिव सोमाय सोरेन, धोबनी मुखिया रामचन्द्र मुर्मू, फॉरेस्ट ब्लॉक मुखिया पोरमा बानरा, फॉरेस्ट ब्लॉक मारे पंचायत समिति सदस्य महेश्वर हाँसदा, प्रियनाथ बास्के एमान सेलेद को ताहें काना ।
 |
| चैक डैम रेया: ओत बोंगा तुलूज विधायक रामदास सोरेन साँवते समर्थक |
Tags:
मुसाबनी