चक्रधरपुर रे ट्राईबल फिल्म एकेडमी होतेते जनजातीय फिल्म महोत्सव कामी होरा को सापड़ाव के आ

चक्रधरपुर रे ट्राईबल फिल्म एकेडमी होतेते जनजातीय फिल्म महोत्सव कामी होरा को सापड़ाव के आ 

ट्राईबल फिल्म एकेडमी होतेते प्रेस वार्ता

चक्रधरपुर :- मेन रोड ठेना: रेलवे ओवरब्रिज सुर मेतटां रेस्टाउरेंट रे ट्राईबल फिल्म एकेडमी होतेते प्रेस वार्ता को दोहो के आ । प्रेस वार्ता माध्यम ते मारवाड़ी स्कूल कैम्पस पोड़ाहाट स्टेडियम रे पे दिना: जनजातीय फिल्म महोत्सव कामी होरा अप्रैल मास रे हुयू: रेया: को बाडाय ओचो केद् कोवा । कामी होरा रेया: एतोहोब 14अप्रैल खोन हुयू: आ आर मुचाद दो 16 अप्रैल हिलो: हुयू: आ । नोवा कामी होरा दो कोल्हान प्रमंडल स्तर रे हुयू: आ । नोवा रे हो, मुंडा, संथाल, भूमिज आर एमान आदिवासी कलाकार भाग को हाताव दाड़े या: आ । कामी होरा रेया: पुयलू दिन मोडर्न डांस, दोसार दिन सांस्कृतिक कार्यक्रम आर तेसार दिन दो फिल्म प्रदर्शनी, सम्मान, अवार्ड शॉ एमान कामी होरा साँवते सांस्कृतिक एनेज सेरेञ को हुयू: आ । नोवा ओक्तो रे ट्राईबल फिल्म एकेडमी अध्यक्ष मदन बोदरा, हो इंटरटेनमेंट रिनिज प्रोपराइटर सावन सोय, आदिवासी हो समाज युवा महासभा राष्ट्रीय कमिटी रिनिज महासचिव गब्बर सिंह हेम्ब्रम, कलाकार प्रकाश प्रियतम पुरती, लक्ष्मी बोदरा, अनिता कोड़ा जोंको, विवेक बंकीरा, साहिल मुर्मू, बल्ड डोनर फाउंडर रविन्द्र गिलुवा, आदिवासी हो समाज युवा महासभा प्रदेश संगठन रिनिज सचिव राहुल पुरती एमान सेलेद रे को ताहें काना ।