रायपाहड़ी रे बाहा एनेज जितकार सिरफा भोज को सापड़ाव के आ

रायपाहड़ी रे बाहा एनेज जितकार सिरफा भोज को सापड़ाव के आ

रायपाहड़ी रे बाहा एनेज जितकार सिरफा भोज

मुसाबनी :- प्रखण्ड रेया: रायपाहड़ी आतु रे बाहा एनेज हेपराव ते ञाम आकान जितकार सिरफा दो आतु जाकात होड़ साँव जोम मिद के आ को । नोवा ओक्तो रे नेवता माराङ पेड़ा लेकाते घाटशिला विधायक मानोतान रामदास सोरेन गोङके सेलेद रे ताहें कानाय । विधायक गोङके साँव मान आन पेड़ा लेकाते झारखण्ड मुक्ति मोर्चा केन्द्रीय सदस्य कान्हू सामन्त, विधायक प्रतिनिधि जगदीश भगत, प्रखण्ड अध्यक्ष प्रधान सोरेन, सचिव सोमाय सोरेन, धोबनी पंचायत मुखिया रामचन्द्र मुर्मू, आतु माझी प्रकाश सोरेन आर प्रियनाथ बास्के एमान सेलेद को ताहें काना । धनुराम सोरेन गोङके या: अध्यक्षता रे कामी होरा दो सापड़ाव लेना । नोवा कामी होरा रे आतु होड़ आर नेवता पेड़ा को दो रास्का सेलेद को जोम मिद के आ । बाहा एनेज हेपराव जितकार भोज रे रायपाहड़ी, कापागोड़ा, उलडाही आर टेटा बदिया आतु रिन आतु होड़ सेलेद् रे को ताहें काना । सेलेद गादेल आतु होड़ को दो रास्का ते घमाघुड़ को एनेज् के आ । माराङ पेड़ा विधायक रामदास सोरेन गोङके मेन के आय जे आबो आदिवासी या: आरी चाली गे नोङकाना, जाहाँ रे मिद ते बोन जोमा, मिद ते बोन रास्काया  । नोवा जुमिद दाड़े गे आबोवा: उपुरूम काना। नागाम खोन आगाम धारिज बाञचाव दोहो लेनना आबोवा: साँवता हों जियाड़ गे ताहेना ।