मुसाबनी प्रखण्ड रे आदिवासी हो समाज होतेते मागे मिलन समारोह साँव सम्मानित कामी होरा को सापड़ाव के आ

मुसाबनी प्रखण्ड रे आदिवासी हो समाज होतेते मागे मिलन समारोह साँव सम्मानित कामी होरा को सापड़ाव के आ 

मागे एनेज तुलूज मारां पेड़ा बाबुलाल सोरेन आर साँवतेन को

मुसाबनी : प्रखण्ड रेया: बेनाशोल फुटबॉल डाही रे आदिवासी हो समाज बेनाशोल आर आदिवासी हो समाज युवा महासभा मुसाबनी प्रखण्ड समिति तिकिना: जुमिद कुरू मुटू ते मागे मिलन समारोह साँव सम्मानित कामी होरा को सापड़ाव के आ । नोवा ओक्तो रे मारां पेड़ा लेकाते झारखण्ड मुक्ति मोर्चा केन्द्रीय महासचिव बाबुलाल सोरेन साँवते नेवता मान आन पेड़ा हेमन्त मुंडा, पद्मश्री सिरफा ते सारहाव ए ञाम आकाद जानुम सिंह सोय , जिला पार्षद देवयानी मुर्मू , बेनाशोल मुखिया सुकूरमनी हेम्ब्रम , फॉरेस्ट ब्लॉक पंचायत मारे मुखिया सुनिता बानरा, मानकी मुंडा, जिला समिति पूर्वी सिंहभूम जिलाध्यक्ष रोशन पुर्ती एमान सेलेद रे को ताहें काना । कमिटी पाहटा खोन जोतो नेवता पेड़ा को दो बोहो: रे दाहड़ी आर तारेन रे शॉल ते उयु काते मान को चाल आद कोवा । कामी होरा रे आदिवासी हो समाज कोवा: आरी चाली मागे एनेज हों को सापड़ाव ले आ । नोवा एनेज रे नेवता पेड़ा को हों एनेज रे को मेसा एन ते आखड़ा को शोभा के आ । नोवा ओक्तो रे राम बानरा, कृष्णा सोय, मिशन पूर्ती, मुकेश बारी, यशोदा माण्डी एमान को सेलेद् लेना । मारां पेड़ा मानोतान बाबुलाल सोरेन गोङके मेन के आय जे सारना धोरोम रिन मानवा को दो जुमिद रे ताहें काते एना निजेरा: आरी चाली, होरो: बाँदे , एनेज सेरेञ आर ओत हासा बाञ्चाव को दोहो दाड़ेया: आ । नाहा: जुवान कोड़ा कुड़ी को गे माड़ाङ सेन लाहा: हुयू: आ तोबे एना आबोवा: आदिवासी साँवता दो जियाड़ ताहें को: आ ।