आई आर बी -2 रिन जवान होतेते कैंटीन को शिलान्यास के आ

आई आर बी -2 रिन जवान होतेते कैंटीन को शिलान्यास के आ

कैंटीन को शिलान्यास के आ

मुसाबनी :- एक  नम्बर रिक्रिएशन क्लब ठेना: आई आर बी -2 कैम्प रे जवान कोवा: श्रमदान ते कैंटीन बेनाव लागिद कामी होरा को दोहो ले आ । नोवा ओक्तो रे मारां पेड़ा लेकाते सीनियर एस पी प्रभात कुमार, मान आन पेड़ा लेकाते ग्रामीण एस पी मुकेश कुमार लुणायत, डी एस पी चन्द्रशेखर आजाद, आर आई आर बी 2 रिनिज कमांडेन्ट संजय रंजन सिंह एमान सेलेद को ताहें काना । नेवता पेड़ा को दो मोलोङ रे टिका साँवते बाहा थोपे चाल काते बाज बाजना आते को सागुन दाराम केत कोवा । नेवता पेड़ा को दो बोंगा बुरू साँवते नेरकोड़ पोसा: काते कैंटीन बेनाव कामी रेया: को शिलान्यास के आ । इना तायोम दारे को रोहोय के आ आर कैंप सुर रे मेना: शिव मन्दिर रे को बोंगा के आ । कमांडेंट संजय रंजन सिंह होतेते सीनियर एस पी प्रभात कुमार आर ग्रामीण एस पी मुकेश कुमार लुणायत तिकिन शॉल गो: काते आर भगवान कृष्ण हा: मूर्ति एम काते को सारहाव केत कोवा । कमांडेंट संजय रंजन सिंह ए मेन के आ जे कैंटीन दो जवान कोवा: श्रमदान कुरू मुटू ते बेना: लागिद । कैंटीन बेनाव लेन खान जवान को साँव लोकल होड़ को हों लाभ को ञामा । नोवा ओक्तो रे इन्स्पेक्टर मनोज कुमार मल्लिक आर थानी प्रभारी राजा दिलावर तिकिन हों सेलेद लेना ।