बाबा साहेब भीमराव अम्बेडकर आ: जानाम माहा अडी जोमोक ते को मानाव के आ

बाबा साहेब भीमराव अम्बेडकर आ: जानाम माहा अडी जोमोक ते को मानाव के आ

बाबा साहेब भीमराव अम्बेडकर आ: मूर्ति रे बाहा माला आराव तुलूज पदाधिकारी को

मुसाबनी :-  नाना हुनार आयमा संगठन होतेते बाबा साहेब भीमराव अम्बेडकर आ: जानाम माहा अडी जोमोक ते को मानाव के आ । मुसाबनी अस्पताल चौक ठेना: अम्बेडकर बागान रे भीम आर्मी होतेते कामी होरा को सापड़ाव ले आ । जोतो खोन माड़ाङ दो भीम आर्मी रिन पदाधिकारी आर सदस्य को अम्बेडकर भवन खोन नारेबाजी आते ताड़ाम ते को दाड़ाँ के आ । अस्पताल चौक ठेना: अम्बेडकर बागान रे सेटेर काते बाबा साहेब भीमराव अम्बेडकर आ: मूर्ति रे बाहा माला को आराव के आ । नोवा ओक्तो रे अम्बेडकर बागान रे आजसू पार्टी रिन पदाधिकारी, कार्यकर्ता आर आई आर बी 2 रिन जवान हों सेलेद को ताहें काना । मारे प्रमुख रवि घोष आ: सागुन ती ते झंडा दो को राकाब के आ । इना तायोम जोतो गे संविधान बाञ्चाव दोहो लागिद किरा को हाताव के आ आर संविधान प्रस्तावना को पाढ़ाव के आ । नोवा ओक्तो रे मारां पेड़ा लेकाते प्रखण्ड विकास पदाधिकारी सीमा कुमारी दो साफा कामिया को लागिद होरो: लुगड़ी साँवते अम्बेडकर आ: चितार एम काते  सारहाव केत कोवाय । नोवा कामी होरा रे भीम आर्मी रिनिज मोहम्मद गुलाम, भोंजो सिंह बानरा , सिदो मार्डी,  उप प्रमुख काकोली घोष, पंचायत समिति सदस्य अनीता सागर एमान सेलेद को ताहें काना । भाजपा मंडल कमिटी  होतेते बाबा साहेब भीमराव अम्बेडकर आ: मूर्ति रे बाहा माला आराव साँवते नारेबाजी आते जानाम माहा को मानाव के आ । नोवा ओक्तो रे भाजपा मंडल अध्यक्ष तुषार कांत पातर, विष्णु रजक, बिलमाल लामा, बीजू मिश्रा एमान सेलेद को ताहें काना । झारखण्ड मुक्ति मोर्चा प्रखण्ड कमिटी होतेते प्रखण्ड अध्यक्ष प्रधान सोरेन गोङके या: सुतू: आयुर ते कार्यकर्ता को दो अम्बेडकर आ: मूर्ति रे बाहा माला आराव काते को उयहार आंजले केदेया ।