जामशोल रे फुटबॉल साँव खेलोन्ड हेपराव को सापड़ाव के आ
 |
| फाइनल मैच रे नेवता पेड़ा साला: बानार टीम रिन खेलोन्डिया आर रेफरी |
मुसाबनी : प्रखण्ड रेया:जामशोल आतु रे आदिवासी जुमिद क्लब होतेते बार माहा फुटबॉल टूर्नामेंट साँव मुचाद् दिन रे नाना हुनार खेलोन्ड हेपराव को सापड़ाव के आ । नोवा कामी होरा रे मारां पेड़ा लेकाते एयरपोर्ट ऑथोरिटी ऑफ इंडिया रिनिज मारे जी एम शंकर मार्डी , माझी बाबा सिमल मार्डी , नायके रघुनाथ मार्डी , मेढ़िया पंचायत मुखिया बासो हाँसदा , धरमल सोरेन एमान सेलेद् को ताहें काना ।कमिटी होतेते बाहा थोपे चाल काते नेवता पेड़ा को सागुन दाराम केत कोवा । इना तायोम फाइनल मैच रे नेवता पेड़ा दो माट ताला रे बानार टीम रिन खेलोन्डिया कोड़ा साला: उपुरूम को हाताव के आ आर फुटबॉल थिया काते मैच को एहोब के आ । नेसा: फुटबॉल टूर्नामेंट रे गेल तुरूय टीम भाग को हाताव ले आ । फाइनल मैच दो रायपाहड़ी एफ सी आर एन एच -18 एफ सी ताला रे हुय एना । नोवा मैच रे रायपाहड़ी टीम दो 2-1 गोल ते जिताव काते पुयलू सिरफाय हामेट के आ । तेसार सिरफा दो पुष्पा स्टार आर पुनां सिरफा दो सोनागाड़ा एफ सी को हामेट के आ । जितकार को दो नेवता पेड़ा हा: ती ते सिरफा चाल काते को सारहाव केत कोवा । नोवा ओक्तो रे टाटा स्टील फाउंडेशन स्कोलरशिप एक्जाम रे पास आकान पाठुवा गिदरा हों सिरफा चाल काते को सारहाव केत कोवा । नोवा एक्जाम रे जामशोल स्कूल खोन पुनया आर सोनागाड़ा स्कूल खोन बारया पाठुवा गिदरा किन पास आकादा ।इना तायोम नाना हुनार खेलोन्ड हेपराव रे काटिज कुड़ी गिदरा कोवा: चापोल बाछाव , साड़ी बाँदे बाहु कुड़ी कोवा: 100 मीटर दड़ , माची रेपेज एमान साँवते आयमा खेलोन्ड हेपराव सापड़ाव ताहें काना । नोवा ञेल लागिद सुर साड़गे रिन आयमा होड़ को गादेल लेना । मारां पेड़ा शंकर मार्डी मेन के आय जे जाहाँ लेका खेल ते होड़मो निफुट ताहेना , ओनका गे ओलो:-पाढ़ा: चेत काते आकिल हुदिश सारसा: आ । नाहा: कार जुग रे ओलो:-पाढ़ा: सिखनात काते आबो रिन होड़ होपोन को चिरगालो: आ । नोवा कामी होरा सापड़ाव रे अविनाश हाँसदा , मंगल हाँसदा , बास्ता हाँसदा , रामदास टुडू , भागमात मार्डी , सोबान हाँसदा , जुझार मार्डी , सुनाराम टुडू , गुरूचरण हाँसदा एमान कोवा: सोरेस कुरू मुटू ताहें काना ।
टी एस एफ स्कोलरशिप एक्जाम रे पास आकान पाठुवा गिदरा आकोरिन एंगात-आपात साला: सिरफा ञाम काते
Tags:
मुसाबनी