विद्युत विभाग होतेते ऊर्जा मेला रे विधायक ए सेलेद लेना

विद्युत विभाग होतेते ऊर्जा मेला रे विधायक ए सेलेद लेना 

ऊर्जा मेला रे उपभोक्ता को सारहाव तुलुज विधायक रामदास सोरेन

मुसाबनी :- एक नम्बर ठेना: पोस्ट ऑफिस माट रे विद्युत विभाग होतेते ऊर्जा मेला साँव बिजली बिल सुद माफ मेला को सापड़ाव ले आ । नोवा ओक्तो रे मारां पेड़ा लेकाते घाटशिला विधायक रामदास सोरेन सेलेद ए ताहें काना । नोवा मेला रे आयमा बिजली उपभोक्ता सेलेद काते बिजली बिल सुद को माफ ओचो के आ आर बिजली रेया: जाहाँ गे समस्या को ताहें काना ओना इदी काते पदाधिकारी साला: को ञापाम एना । पदाधिकारी हों ओना समस्या को इना दुड़ुब रे गे को समाधान के आ । जाहाँय उपभोक्ता बिजली बिल सुद को माफ ओचो के आ, उनकु दो विधायक रामदास सोरेन एल ई डी बल्ब एम काते सारहाव केत कोवाय । विधायक गोङके दो बिजली उपभोक्ता कोय मेताद कोवा जे जोतो गे नोङकान योजना रेया: लाभ को हाताव मां आर बिजली बाञ्चाव रेया: को रिकाय मा ।