कुणाल षड़ंगी दो स्मार्ट ब्लाइंड स्टिक ए हाटिञ के आ

कुणाल षड़ंगी दो स्मार्ट ब्लाइंड स्टिक ए हाटिञ के आ

स्मार्ट ब्लाइंड स्टिक हाटिञ तुलूज कुणाल षड़ंगी

मुसाबनी :- प्रखण्ड रेया: बेनाशोल रे भारतीय जनता पार्टी प्रदेश प्रवक्ता कुणाल षड़ंगी दो बारया दिव्यांग लागिद स्मार्ट ब्लाइंड स्टिक ए हाटिञ के आ । कुणाल षड़ंगी दो स्टिक ते चेद लेका को ताड़ामा ओना होंय लाई आद किना । नुकिन दिव्यांग दो गिदरा खोन गे बाकिन ञेञेल ताहें आ । कुणाल षड़ंगी रिन टीम दाराय ते को बाडाय ओचो केदेया । इना पोरे खान गे कुणाल साड़ंगी दो बेनाशोल हेच काते उनकिन साला: ए ञापाम एना आर स्मार्ट ब्लाइंड स्टिक ए चाल आद किना । नोवा साँवते ओडेन आतु होड़ साला: होंय दुपुड़ुब केत ते आतु रेया: समस्या कोय बाडाय के आ । दुपुड़ुब तुलुज गे समस्या रेया: समाधान लागिद बी डी ओ साला: फोन ते काथा के आय । नोवा ओक्तो रे प्रमुख साँव भाजपा एस टी मोर्चा जिला अध्यक्ष रामदेव हेम्ब्रम, मारे जिला अध्यक्ष भोक्तु मार्डी एमान सेलेद को ताहें काना ।