नाना हुनार संगठन आर मजदूर नेता होतेते मजदूर दिवस को मानाव के आ

नाना हुनार संगठन आर मजदूर नेता होतेते मजदूर दिवस को मानाव के आ

अब्दुल बारी या मूर्ति रे बाहा माला आराव तुलूज संगठन रिन होड़

मुसाबनी :- भीम आर्मी झारखण्ड आंदोलनकारी सेनानी संघ आर एच सी एल/आई सी सी रिन मारे मजदूर मिलाव काते मजदूर दिवस को मानाव के आ । मुसाबनी हॉस्पिटल चौक ठेन मेना: मजदूर नेता अब्दुल बारी या: मूर्ति रे बाहा माला आराव काते को उयहार केदेया । इना तायोम मुसाबनी प्लांट २ नम्बर गेट सुर ठेन मेना: मजदूर नेता माइकल जॉन आ: मूर्ति रे हों बाहा माला को आराव के आ । नोवा कामी होरा रे नुकिन बोंगा ताला आकान मजदूर नेता हा: जीयोन चारित बाबोत काथा को लाई के आ । नोवा ओक्तो रे मारे उप प्रमुख रवि घोष , सुरई बास्के, मोहम्मद गुलाम ,प्रभाकर सोना एमान सेलेद रे को ताहें काना ।  प्रभाकर सोना मेन के आय जे नोङकान मजदूर नेता दाराय ते गे मजदूर को आकोवा: हक ञाम लागिद माड़ाङ सेन को लाहा: काना  । नेतार रिन मजदूर नेता को हों नुकू ठेन चेदो: लागती: काना ।