रविन्द्र नाथ टैगोर आ: जानाम माहा रे सांस्कृतिक कामी होरा को सापड़ाव के आ

रविन्द्र नाथ टैगोर आ: जानाम माहा रे सांस्कृतिक कामी होरा को सापड़ाव के आ

पद्मश्री जानुम सिंह सोय को सारहाव एकान तुलूज संघ रिन पदाधिकारी

मुसाबनी :- तीन नम्बर बस स्टैंड ठेना: रविन्द्र संघ रे रविन्द्र संघ आर संस्कृति संघ तिकिना: जुमिद कुरू मुटू ते रविन्द्र नाथ टैगोर आ: जानाम माहा ओक्तो रे सिंगाड़ बेड़ा सांस्कृतिक कामी होरा को सापड़ाव के आ । नोवा ओक्तो रे मारां पेड़ा लेकाते पद्मश्री प्रोफेसर जानुम सिंह सोय आर मान आन पेड़ा लेकाते भाजपा नेत्री डॉक्टर सुनिता देवदूत सोरेन, डुमरिया बी डी ओ साधु चरण देवगम तेको सेलेद को ताहें काना । नेवता पेड़ा को दो रविन्द्र नाथ टैगोर आ: मूर्ति रे बाहा माला आराव काते कामी होरा को एहोब के आ । संघ होतेते पद्मश्री जानुम सिंह सोय दो बाहा थोपे चाल काते आर शिक्षा सम्मान ते को सारहाव केदेया । कामी होरा रे कलाकार को रविन्द्र संगीत सेरेञ को उदु: सोदोर के आ । नोवा ओक्तो रे आयमा गादेल दर्शक सेलेद काते सांस्कृतिक कामी होरा को ञेल सांगे के आ ।