प्राथमिक विद्यालय नीमडीह रे विधायक दो भवन बेनाव रेया: ए शिलान्यास के आ

प्राथमिक विद्यालय नीमडीह रे विधायक दो भवन बेनाव रेया: ए शिलान्यास के आ

शिलान्यास कामी होरा रे विधायक रामदास सोरेन

मुसाबनी :- प्रखण्ड रेया: प्राथमिक विद्यालय नीमडीह रे घाटशिला विधायक रामदास सोरेन दो बारया कमरा बेना: लागिद भवन रेया: शिलान्यास नेरकोड़ पोसा: काते कोराव के आय ।  नोवा ओक्तो रे विधायक साँव मान आन पेड़ा लेकाते जिला पार्षद लक्ष्मी मुर्मू, मारे जिला पार्षद बुद्धेश्वर मुर्मू, झारखण्ड मुक्ति मोर्चा केन्द्रीय सदस्य कान्हू सामन्त, प्रखण्ड अध्यक्ष प्रधान सोरेन, सचिव सोमाय सोरेन, संजीवन पातर एमान सेलेद को ताहें काना । नीमडीह रिन आतु होड़ दो नेवता पेड़ा बाहा माला आराव काते को सागुन दाराम केत कोवा । इना तायोम भवन बेनाव कामी रेया: शिलान्यास रे विधायक साँवते जोतो नेवता पेड़ा नेरकोड़ को पोसा: के आ । नोवा बारया कमरा भवन बेना: कामी दो डी एम एफ टी फंड पाहटा खोन सोलह लाख बारह हजार टाका लागत ते बेना: आ । वर्तमान नीमडीह स्कूल रे पाठुवा गिदरा को लागिद बारया मोठे रूम गे मेना: आ। गिदरा साँगे इदी काते एक खोन पाँच क्लास रिन जोतो गिदरा मित ठेन दुड़ुब रे मजबूर मेना: कोवा । नोवा बारया कमरा भवन बेनाव लेनखान पाढ़ा: रे अडी को सुविधा आ ।