माझी पारगाना माहाल कोवा: अडी लाकती या: दुपुड़ुब हुय एना

माझी पारगाना माहाल कोवा: अडी लाकती या: दुपुड़ुब हुय एना 

दुपुड़ुब रे सेलेद माझी माहाल रिन माझी बाबा को

मुसाबनी :- प्रखण्ड रेया: आदिवासी संस्कृति कला केन्द्र रे माझी पारगाना माहाल प्रखण्ड कमिटी कोवा: दुपुड़ुब, केन्दाडीह माझी बाबा प्रफुल्ल सोरेन आ: अध्यक्षता रे हुय एना । नोवा दुपुड़ुब रे प्रखण्ड रिन जोतो माझी बाबा सेलेद को ताहें काना । माझी पारगाना माहाल प्रखण्ड कमिटी कोवा: फंड जोटाव जारवा, नावा पावड़ा तोरोप पारगाना बेनाव, माझी, नायके, जोग माझी, कुडाम नायके, पारानिक आर पारगाना कोवा: सम्मान राशि ञामो: बाबोय दुपुड़ुब रे गालमाराव हुय एना । नोवा साँवते मुसाबनी बस स्टैंड रे सिदो कान्हु तिकिना: मूर्ति को रापुद केद बाबोत आर संताली ओल चिकी रेया: विरोध रे को तिंगु आकान बायरी को बाबोत थुती गालोच के आ । नोवा दुपुड़ुब रे अडी गान लाकतियान गालमाराव हुय एना ।