बोंगा ताला आकान यदुनाथ बास्के या: गुर माहा रे फ्री स्वास्थ्य शिविर को सापड़ाव के आ

बोंगा ताला आकान यदुनाथ बास्के या:  गुर माहा रे फ्री स्वास्थ्य शिविर को सापड़ाव के आ 

मारे मंत्री बोंगा ताला आकान यदुनाथ बास्के श्रद्धांजलि एम तुलुज विधायक रामदास सोरेन

मुसाबनी :- रिनिज मारे मंत्री बोंगा ताला आकान यदुनाथ बास्के या: पुयलू गुर माहा रे फ्री स्वास्थ्य शिविर को सापड़ाव के आ । नोवा रे मारां पेड़ा लेकाते घाटशिला विधायक मानोतान रामदास सोरेन गोङके सेलेद एनाय । कामी होरा एतोहोब रे विधायक साला: झामुमो रिन कार्यकर्ता को दो यदुनाथ बास्के या: मोड़ा सासोन रे सेन काते बाहा को जाड़ी के आ । इना तायोम पूर्वी मुसाबनी पंचायत भवन रे को सापड़ाव आकाद बोंगा ताला आकान यदुनाथ बास्के या: पुयलू गुर माहा रे फ्री स्वास्थ्य शिविर रे विधायक आर कार्यकर्ता को बास्के या: चितार रे बाहा माला आराव काते उनीया: आत्मा शांति लागिद बार मिनटा: मौन को दोहो के आ आर स्वास्थ्य शिविर को उद्घाटन के आ । शिविर रे अडी बेस बेस डॉक्टर सेलेद काते आयमा होड़ा: रोग आजार को जाँच के आ । जाँच तायोम दो पोला ते रान को हाटिञ के आ । नोवा ओक्तो रे डॉ शंकर टुडू , डॉ पुष्पा हाँसदा , डॉ रविन्द्र नाथ टुडू , डॉ सविता बास्के , डॉ श्याम चरण बास्के एमान रोगी को जाँच केत कोवा । साँवते संजीव नेत्रालय पाहटा खोन हों मेत आजार रिनिज स्पेसिलिस्ट डॉ मेत ए जाँच केत कोवा । नोवा ओक्तो रे पूर्वी मुसाबनी पंचायत मुखिया दुला माहली , मेढ़िया पंचायत मुखिया बासो हाँसदा , झामुमो केन्द्रीय सदस्य कान्हू सामन्त , विधायक प्रतिनिधि जगदीश भगत , प्रखण्ड अध्यक्ष प्रधान सोरेन , सचिव सोमाय सोरेन , आदिवासी रिक्रिएशन क्लब अध्यक्ष विंसेंट गुड़िया, सचिव गणेश मुर्मू , गौरांग माहली , संजीवन पातर , साधु हेम्ब्रम , प्रियनाथ बास्के , जगदीश बास्के , कान्हु बास्के , कांग्रेस नेता लक्ष्मण चंद्र बाग , प्रखण्ड अध्यक्ष संजय साह एमान सेलेद को ताहें काना ।

स्वास्थ्य शिविर रे सेलेद विधायक रामदास सोरेन