आतु दिशोम रे साकरात पाराब ओक्तो कुंबा रेया: आडी लागती याना,गिदरा को अडी रास्का ते कुंबा को बेनाव आ

आतु दिशोम रे साकरात पाराब ओक्तो कुंबा रेया: आडी लागती याना,गिदरा को अडी रास्का ते कुंबा को बेनाव आ

गिदरा को बेनाव आकाद् साकरात कुंबा

मुसाबनी : आतु दिशोम रे साकरात पाराब इदी काते घारोंज रे जोतो होड़ जाहाना: बाङ जाहाना: मोने रे कुकमू को दोहो का: आ । जेमोन ओड़ा: रिन तिरला को दो जोमा: पिठा को बेनाव रे । ओड़ा: रिन कोड़ा होपोन दो पाराब रे लागतीयान सामान को जोगाड़ जोटाव रे को ताहेना । गिदरा को मा नोवा पाराब रे अडी गे रास्का को बुझाव आ ।  आतु दिशोम को रे दो नाई, गाडा, पुखरी धारे को रे साकरात कुंबा गोटा गे ञेलोगो: आ । नोवा कुंबा दो आतु रिन गिदरा को जोटाव काते को बेनाव आ । नोवा कुंबा बेनाव लागिद् गिदरा को दो मित् चाँदो माड़ाङ खोन को छुटाव को आ । ताले , खिजुर आर बाङ खान जाहाना: गे रोहोड़ डार कोते कुंबा को तेयार आ ।साकरात हिलो: चाँदो राकाब् माड़ाङ ते नाई , पुखरी रे उमु: को सेन काते कुंबा दो को आतार आ । रेयाड़ दा: जोबे तायोम कुंबा रे जुरू: रेया: रास्का गे भेगार आ । पुखरी आड़े धारे को रे गे फोटका को हों जाके जेमोन को आतार ते साकरात रेया: रास्का को हाटिञ आ । इना तायोम ओड़ा: रूवाड़ काते खाजाड़ी , गुड़ पिठा, जिल पिठा को जोम काते अडी रास्का ते साकरात पाराब दो को मानाव आ।