मुसाबनी रे घाटशिला विधानसभा विधायक रामदास सोरेन दो पार्टी कामिया को ताला रे ताबेन, खजाड़ी, पिठा एमान कोय हाटिञ के आ

मुसाबनी रे घाटशिला विधानसभा विधायक रामदास सोरेन दो पार्टी कामिया को ताला रे ताबेन, खजाड़ी, पिठा एमान कोय हाटिञ के आ

साकरात जोमा: हाटिञ तुलूज् विधायक रामदास सोरेन

मुसाबनी : एक नम्बर ठेन मेना: झारखण्ड मुक्ति मोर्चा आपिस रे घाटशिला विधानसभा विधायक रामदास सोरेन सेटेर ए ताहें काना । नोवा ओक्तो रे विधायक दो जोतो कामिया कोड़ा को साकरात पाराब सागुन सारहाव ए मेताद् कोवा आर उनकु ताला रे ताबेन, खजाड़ी, पिठा, दुही एमान कोय हाटिञ के आ । उन ओक्तो एतोहोब् रे धोबनी पंचायत रिनिज् मुखिया रामचन्द्र मुर्मू वा: ती रे साकरात जोमा: सामान ए जिनमा आदेया। इना तायोम जोतो कामिया कोड़ा को ठेन साकरात जोमा: हाटिञ के आ । रामदास सोरेन ए मेन के आ जे साकरात पाराब दो नोवा सुर साड़गे को रे आडी गे रास्का ते को मानावा । पे दिन धारिज् चाला: नोवा पाराब रे आदिबासी संताल आरी चाली लेकाते पुयलू दिन बाउडी, दोसार दिन साकरात आर तेसार दिन दो अखान जातरा लेकाते को मानाव आगु एत् आ। बाउडी हिलो: दो नाना हुनार जोमा: को बेनाव काते को जोमा, दोसार हिलो: दो सेता: रे नाई, गाडा, पुखरी को रे उम काते नावा लुगड़ी को होरोग् आ आर भितर रे हापड़ाम को साकरात पाराब ञुतूम ते हाँडी को चोडोर आकोते बोंगा बुरूया । तेसार दिन दो अखान जातरा रे नावा कामी को एतोहोब् आ । नोवा ओक्तो रे प्रखण्ड पारसेद् साँव २० सूत्री पारसेद् प्रधान सोरेन , विधायक प्रतिनिधि जगदीश भगत, केन्द्रीय सदस्य कान्हू सामन्त, शंकर चन्द्रावरम, सुतरेद् सोमाय सोरेन, मुखिया रामचन्द्र मुर्मू एमान सेलेद् को ताहेंया ।

रिपोर्ट : धनुराम टुडू