मुसाबनी रेया: मेढ़िया रे 17 सेरमा चासी पाता साँव बिदु-चाँदान मानाव माहा को सापड़ाव के आ

मुसाबनी रेया: मेढ़िया रे 17 सेरमा चासी पाता साँव बिदु-चाँदान मानाव माहा को सापड़ाव के आ

चासी पाता रे सेलेद संस्था रिन सदस्य

मुसाबनी : प्रखण्ड रेया: मेढ़िया स्कूल डाही रे 17 सेरमा पुराव चासी पाता साँव बिदु-चाँदान मानाव माहा को सापड़ाव केत आ । नोवा दो संवाद झारखण्ड, बिदु-चाँदान पुस्तकालय आर आजीविका महिला ग्राम संगठन होतेते हुय एना । चासी पाता रे माराङ पेड़ा लेकाते देश पारगाना बैजु मुर्मू, सामाजिक आर जे पी आंदोलन रिनिज आंदोलनकारी कुमार चन्द्र मार्डी, मेढ़िया आतु माझी बाबा प्रसेनजीत हाँसदा, नायके सुभाष हाँसदा एमान सेलेद् रे को ताहें काना । नोवा कामी होरा एतोहोब रे बिदु-चाँदान बोंगा बुरू काते हुय एना । सामाजिक कार्यकर्ता बसंती सरदार दो नोवा पाता रेया: ए संचालन के आ । संवाद पाहटा खोन सालगे मार्डी लई के आय जे नाहा: माड़ाङ सेद लाहा: जुग रे आबो आतु दिशोम रिन चासी को दो जाहाँ दर्जा ञामो: काथा ओना बाङ को ञाम एदा । दोसार पाहटा ढेर आरजाव आँस ते बाद रे रासायनिक खाद को लागाव एदा। नोवा ते दो बाद होंय खाराब एदा आर मानमी या: होड़मो होंय खुती एदा । चासी को दो आकिलो: लागती: काना । ढेर खोन ढेर जैविक चास सेद को लाहा: मा ।नोवा पाता सापड़ाव रे संवाद रिनिज सालगे मार्डी, चाम्पा हेम्ब्रम, निरसो हाँसदा, सुनिता मुर्मू, बिदु-चाँदान पुस्तकालय पाहटा खोन दुखीराम हेम्ब्रम, दासमात हाँसदा, पूनम सोरेन, मिर्जा हाँसदा, महिला ग्राम संगठन पाहटा खोन पार्वती हाँसदा, पार्वती मुर्मू, सचिव बसन्ती हाँसदा, सुगी किस्कू, मंजू रजक, टुम्पा सेन आर जोतो महिला सदस्य कोवा: गोड़ो ताहें काना ।