डुमरिया रेया: निवरीडीह रे मित दिना: खैलन्ड हेपराव को सापड़ाव के आ

डुमरिया रेया: निवरीडीह रे मित दिना: खैलन्ड हेपराव को सापड़ाव के आ 

जावाँय हेबे काते दाड़ रे भाग को हाताव आकार बाहु कुड़ी

डुमरिया : प्रखण्ड रेया: पलाशबनी निवरीडीह आतु रे काराम डुंगरी स्पोर्ट्स क्लब होतेते गेल पे सेरमा पुराव मित दिना: खेलन्ड हेपराव को सापड़ाव के आ । नोवा कामी होरा रे माराङ पेड़ा लेकाते विधायक प्रतिनिधि साँव झारखण्ड मुक्ति मोर्चा प्रखण्ड अध्यक्ष मिर्जा सोरेन, दोसार मनआन पेड़ा लेकाते प्रमुख गंगामनी हेम्ब्रम , सचिव जयपाल सिंह मुर्मू , युवा मोर्चा प्रखण्ड अध्यक्ष भगत हाँसदा एमान सेलेद को ताहें काना । हेज सेटेर आकान पेड़ा को दो कमिटी पाहटा खोन बाहा माला आराव काते को सागुन दाराम केत कोवा । नोवा ओक्तो रे नाना हुनार खेलन्ड हेपराव को सापड़ाव लेद आ। खेलन्ड हेपराव मा आयमा गे ताहें काना, ओना ताला खोन गे जुरी जोता को लागिद दो अडी हाहाड़ा गे हेपराव ताहें काना । जावाँय हेबे काते दाड़ ।नोवा खेलन्ड हेपराव रे दो बाहु कुड़ी निजेरिज जावाँय हेबे काते को दाड़ आ । नोङका ना: हाहाड़ा खेलन्ड हेपराव ञेल लागिद सुर साड़गे आतु खोन आयमा होड़ को गादेल लेना । खेलन्ड हेपराव रे जितकार को दो नेवता पेड़ा हा: ती ते सिरफा को चाल आद कोवा । पुयलू सिरफा लेकाते ड्रेसिंग टेबल आर दोसार सिरफा लेकाते स्टील रेया: बासोन को एमाद कोवा ।

जितकार को सिरफा चाल ओक्तो नेवता पेड़ा