डी एस पी चन्द्रशेखर आज़ाद आ: नेतृत्व रे बाइक रैली रेया: माध्यम ते सड़क सुरक्षा इदी काते जागरूकता अभियान को चालाव के आ

डी एस पी चन्द्रशेखर आज़ाद आ: नेतृत्व रे बाइक रैली रेया: माध्यम ते सड़क सुरक्षा इदी काते जागरूकता अभियान को चालाव के आ 

सड़क सुरक्षा इदी काते होड़ बुझाव तुलुज् डी एस पी चन्द्रशेखर आजाद

मुसाबनी : वरीय पुलिस अधीक्षक पूर्वी सिंहभूमा: निर्देश ते मुसाबनी पुलिस उपाधीक्षक चन्द्रशेखर आज़ाद आ: नेतृत्व रे ग्रामीण क्षेत्र रे बाढ़ा:कान सड़क दुर्घटना को दाराम लागिद गुड़ाबांदा, डुमरिया आर मुसाबनी थाना क्षेत्र रेया: चौक चौराहे रे सड़क आर यातायात सुरक्षा जागरूकता अभियान को चालाव के आ । जागरूकता अभियान दो बाईक रैली रेया: माध्यम ते गुड़ाबांदा थाना खोन को ओडोक के आ। डुमरिया थाना क्षेत्र सेदते मुसाबनी थाना क्षेत्र सेटेर एना । जायगा जायगा, चौक कोरे तिंगु काते पदाधिकारी को दो मोटरसाइकिल आर चार चक्का गाडी ड्राइवर को को बुझाव केत कोवा । अभियान रे जाहाँय को हेलमेट बाको होरो: आकादा ओनकान गाडी ड्राइवर को दो गुलाब आर बाहा माला आराव काते अडी जुदा तरीका ते को बुझाव केत कोवा । नोवा ओक्तो रे गुड़ाबांदा थाना प्रभारी प्रियनन कुमार, डुमरिया थाना प्रभारी संजीवन उरांव, मुसाबनी थाना प्रभारी राजा दिलावर, पेया थाना रिन एस आई आर पुलिस रिन जवान को सेलेद लेना । मुसाबनी डी एस पी चन्द्रशेखर आज़ाद ए मेन के आ जे प्रशासन पाहटा खोन होड़ को सड़क सुरक्षा बाबोत आकिल ओचो एद कोवा जे बिना हेलमेट आर लापरवाही ते गाडी चालाव लेखान चालान काटोगो: आ ।