घाटशिला कॉलेज रे बाहा बोंगा अडी रास्का रोमोज ते को मानाव के आ

घाटशिला कॉलेज रे बाहा बोंगा अडी रास्का रोमोज ते को मानाव के आ

घाटशिला कॉलेज रे बाहा एनेज तुलुज पेड़ा को

घाटशिला : कॉलेज रेया: संताली विभाग दो शुक्रवार हिलो: बाहा बोंगा मिलन समारोह को सापड़ाव के आ । नोवा कामी होरा दो प्राचार्य डॉ आर कै चौधरी या: अध्यक्षता रे हुय एना । मारां पेड़ा लेकाते पद्मश्री जानुम सिंह सोय, मान आन पेड़ा लेकाते विधायक प्रतिनिधि जगदीश भकत, डॉ सुनिता देवदूत सोरेन, जिला परिषद देवयानी मुर्मू एमान को सेलेद लेना । नेवता पेड़ा को दो लुगड़ी एम काते आरी चाली लेकाते को सगुन दाराम केत कोवा । नोवा ओक्तो रे पाठुवा कोड़ा कुड़ी को दो संताड़ कोवा: होरो: बाँदे आते बाहा को एनेज के आ । नोवा ओक्तो रे एच सी एल रिनिज उप महाप्रबंधक खुशीराम हाँसदा , कोल्हाल विश्वविद्यालय शिक्षक संघ रिनिज अध्यक्ष डॉ राजेन्द्र भारती हों सेलेद रे ताहें कानाय । प्राचार्य डॉ चौधरी मेन के आय जे बाहा पाराब दो प्रकृति साला: जोड़ाव आकाना । ओनाते आदिवासी साँवता रिन मानवा को दो प्रकृति ताला रे ताहेन आर दुलाड़ नोवा पाराब रे सोदोरो: ञेलोगो: आ ।