मुसाबनी सुरदा क्रोसिंग रेया: दिशोम जाहेर गाढ़ रे अडी जोमोक ते बाहा बोंगा को मानाव के आ

मुसाबनी सुरदा क्रोसिंग रेया: दिशोम जाहेर गाढ़ रे अडी जोमोक ते बाहा बोंगा को मानाव के आ

दिशोम जाहेर गाढ़ रे को उमजाव आकान आयमा गादेल मानवा

मुसाबनी : प्रखण्ड रेया: सुरदा क्रोसिंग दिशोम जाहेर गाढ़ रे बाहा बोंगा अडी नापाय ते को सापड़ाव ले आ । नोवा ओक्तो रे मारां पेड़ा लेकाते घाटशिला विधायक रामदास सोरेन, हिन्दुस्तान कॉपर लिमिटेड रिन पदाधिकारी, झामुमो केन्द्रीय सदस्य कान्हू सामन्त, प्रखण्ड अध्यक्ष प्रधान सोरेन एमान सेलेद् को ताहें काना । नेवता पेड़ा को दो जाहेर गाढ़ रे दिशोम रे सुख सुलुक ते ताहें मिदु: आर रोग आजार खोन बाञ्चाव ताहेन रेया: बोंगा ठेन को गोड नेहोर एना । झारखण्ड, बंगाल आर ओडिशा पोनोत खोन हों आयमा होड़ बोंगा बुरू लागिद नोवा जाहेर गाढ़ ते को सेटेर लेना । नायके दो बोंगा तायोम जोतो गे सारजोम बाहाय एमाद कोवा । इना तायोम बाहा एनेज आयमा गादेल टीम एनेज तो को घामाघुड़ के आ । कमिटी पाहटा खोन संताड़ साँवता रेया: नागाम रे मेना: श्रृष्टि ओका लेकाते हुय आकांना, पिलचु हाड़ाम-पिलचु बुढ़ी तिकिन खोना: काहनी को हासा रिन मेढ़ बेनाव काते दिशोम होड़ ठेन को सोदोर आद कोवा । नोवा ञेञेल लागिद आयमा होड़ को गादेल लेना । दिशोम जाहेर गाढ़ रे दो 32 मौजा रिन आतु होड़ा: आस्था जोड़ाव आकाना । ओना इदी ते बोछोर गे लाख लाख होड़ नोंडे को गादेलो: आ आर बोंगा बुरू ठेन को गोड नेहोरो: आ ।

दिशोम जाहेर गाढ़ रे सेलेद विधायक रामदास सोरेन