मुसाबनी प्रखण्ड रेया: पाटकिता रे विधायक रामदास सोरेन दो डी एम एफ टी फंड ते बेना: कान स्कूल ओड़ा: ए शिलान्यास के आ

मुसाबनी प्रखण्ड रेया: पाटकिता रे विधायक रामदास सोरेन दो  डी एम एफ टी फंड ते बेना: कान स्कूल ओड़ा: ए शिलान्यास के आ

शिलान्यास तुलूज विधायक रामदास सोरेन आर एमान

मुसाबनी :- प्रखण्ड फॉरेस्ट ब्लॉक पंचायत रेया: प्राथमिक विद्यालय पाटकिता रे डी. एम. एफ. टी. फंड खोन बेना: लागिद बारया रूम स्कूल ओड़ा: कामी, विधायक रामदास सोरेन दो नेरकोड़ पोसा: काते शिलान्यास के आय । नोवा ओक्तो रे माराङ पेड़ा विधायक  गोङके साँवते सांसद प्रतिनिधि जयन्त घोष , भाजपा नेता अशोक पासवान , झामुमो केन्द्रीय सदस्य कान्हू सामन्त, प्रखण्ड अध्यक्ष प्रधान सोरेन, सचिव सोमाय सोरेन,  विधायक प्रतिनिधि जगदीश भगत, फॉरेस्ट ब्लॉक मुखिया पोरमा बानरा, तेरेंगा पंचायत मुखिया दुलारी सोरेन, सुरदा पंचायत मुखिया ईसाक बखला, धोबनी पंचायत मुखिया रामचन्द्र मुर्मू एमान को सेलेद लेना । पाटकिता आतु रिन आतु होड़ दो नेवता पेड़ा को बाहा माला आराव काते को सगुन दाराम केत कोवा । इना तायोम नेवता पेड़ा दो नेरकोड़ पोसा: काते को शिलान्यास के आ ।  मानोतान विधायक रामदास सोरेन गोङके मेन के आय जे घाटशिला विधानसभा क्षेत्र रे आबोइज् मुख्यमंत्री हेमन्त सोरेन ना: पहल ते लगभग 10 टी स्कूल बेनाव कामी  एतोहोबो: आ । जाहाँ स्कूल को  रापुद् आकाना ओना रेया: कामी एतोहोब् पाटकिता खोन शिलान्यास काते एहोब के आ ।