गुड़ाबांदा रेया: महेशपुर रे जिला पुलिस सोशल पुलिसिंग होतेते कामी होरा को सापड़ाव केत आ

गुड़ाबांदा रेया: महेशपुर रे जिला पुलिस सोशल पुलिसिंग होतेते कामी होरा को सापड़ाव केत आ

आतु होड़ को ताला रे सामान हाटिञ तुलूज् मुकेश कुमार लुणायत

गुड़ाबांदा :-  प्रखण्ड रेया: महेशपुर रे पुलिस आर आतु होड़ को ताला रे नापाय सगई बेनाव दोहो लागिद सोशल पुलिस होतेते कामी होरा को सापड़ाव केत आ । नोवा ओक्तो रे ग्रामीण एस पी मुकेश कुमार लुणायत, मुसाबनी डी एस पी चन्द्रशेखर आजाद, मुसाबनी इन्स्पेक्टर मनोज कुमार मल्लिक, गुड़ाबांदा थाना प्रभारी प्रियन्न कुमार, डुमरिया थाना प्रभारी संजीवन उरांव, नागरिक सुरक्षा समिति महासचिव शैलेन बास्के, मुखिया सुमित्रा बास्के एमान सेलेद को ताहें काना । आतु होड़ दो आदिवासी आरी चाली लेकाते टामाक-तुङदा: आते नेवता पेड़ा को सगुन दाराम केत कोवा । कामी होरा एतोहोब रे आतु माझी बाबा , गमछा एम काते सारहाव सेलेद को सगुन दाराम केत कोवा । ग्रामीण एस पी मुकेश कुमार लुणायत दो पुलिस आर आतु होड़ को ताला रे नापाय सगई दोहो लागिद जाहाँ तिना: गे कुड़ाव गोड़ो एमो: रेया: काथाय एमाद कोवा । नोवा साँवते पाठुवा गिदरा को ओलो: पाढ़ाव सिखनात  सेड़ाँ काते आतु आर साँवता राकाब लागिद कुरू मुटू रे ताहेन रेया: काथाय लाई आद कोवा । ग्रामीण एस पी आर पुलिस अधिकारी होतेते सामान को हाटिञ के आ । सामान रे दो लुंगी, साड़ी, गमछा, गंजी, चातोन, टॉर्च, कॉपी, कलम , बैग, साईकिल एमान ताहें काना । नागरिक सुरक्षा समिति आर आतु होड़ को नोवा कामी होरा ते अडी को रास्का एना ।