रूआम बुरू रे 14 मौजा रिन बुरू सेंदरा बोंगा को सापड़ाव के आ

रूआम बुरू रे 14 मौजा रिन बुरू सेंदरा बोंगा को सापड़ाव के आ

रूआम बुरू सेंदरा बोंगा

मुसाबनी :- रूआम बुरू लो बीर गाँवता होतेते मुसाबनी प्रखण्ड रेया: रूआम बुरू रे बुरू सेंदरा बोंगा को सापड़ाव के आ । नोवा बोंगा रे सुर साड़गे गेल पुन मौजा रिन आतु माझी आर आतु होड़ सेलेद रे को ताहें काना । नेतरा आतु रिनिज मुड़ुद माझी बाबा मेघराय सोरेन गोङके तिकिना: सुतु: आयुर ते बुरू सेंदरा बोंगा दो को सापड़ाव के आ । सानाम आतु होड़ को दो धीरी, बीर गाजाड़, दा: डोभा: होर सेद ते बोंगा थान को सेटेर एना । मानमी जियोन रे सुख सुलुक ते ताहें मिदु:, दिशोम रे माराङ रूवा आजार खोन बाञ्चाव ताहेन, चास बास लागिद दा: जाड़ी को नापाय ते हुयू: रेया: नायके पान्डू राम सोरेन दो बोंगा बुरू केत ते सानाम आतु होड़ को गोड नेहोर एना । आदिवासी साँवता आरी चाली बाञ्चाव दोहोय लागिद मारे हापाड़ाम जुग खोन नोवा बोंगा दो बोछोर गे मानाव आगु: काना । बोंगा मुचाद काते बीर सिकारिया को बुरू भीतीर सेद को लाहा एना । सिंगाड़ बेड़ा सेंदरा खोन रूवाड़ आँड़गो ञापाम काते टाँडी रे सिंघराई, फिरकल एनेज एमान हों को सापड़ाव आकादा । नोवा ओक्तो रे माझी बाबा बलराम मार्डी, घासीया किस्कु, मोटका मुर्मू, हिमांशु सोरेन, सुभाष टुडू, प्रफुल्ल सोरेन, भागीरथी सोरेन, सोमाय मुर्मू, दिलीप हेम्ब्रम, सिलु टुडू, सुन्दर बेसरा, उमेश भूमिज आर सुकलाल टुडू एमान सेलेद को ताहें काना ।