रूआम बुरू सेंदरा बोंगा दोसार दिन नाना हुनार आरी चाली एनेज सेरेञ को सापड़ाव ले आ

रूआम बुरू सेंदरा बोंगा दोसार दिन नाना हुनार आरी चाली एनेज सेरेञ को सापड़ाव ले आ

रूआम बुरू लो बीर गाँवता होतेते फिरकल एनेज

मुसाबनी :- रूआम बुरू लो बीर गाँवता होतेते मुसाबनी प्रखण्ड रेया: रूआम बुरू रे सेंदरा बोंगा दोसार दिन नाना हुनार आरी चाली रेया: एनेज सेरेञ को सापड़ाव ले आ । नोवा कामी होरा रे माराङ पेड़ा लेकाते मारे जिला पार्षद बाघराय मार्डी , मान आन पेड़ा लेकाते झारखण्ड मुक्ति मोर्चा युवा मोर्चा मारे जिला उपाध्यक्ष विक्टर सोरेन , सुनिल किस्कु आर जिला कोषाध्यक्ष काली पोदो गोराई एमान सेलेद को ताहें काना । नेवता पेड़ा को दो गेल पुन मौजा रिन माझी बाबा होतेते बाहा माला आराव काते को सागुन दाराम केत कोवा । माराङ पेड़ा हा: सागुन ती ते टामाक गुडाव काते फिरकल एनेज को एहोब के आ ।

नेवता पेड़ा हा: ती ते फिरकल एनेज को एतोहोब के आ

फिरकल एनेज रिन पारूखिया को दो बायरी साला: तापाम जितकारो:  रेया: बिरदा, एनेज काते को उदु: सोदोर के आ । नोवा साँवते सिञ सिंघराय एनेज हेपराव हों को दोहो ले आ । पुयलू सिरफा चन्द्रमोहन मार्डी , दोसार सिरफा जोगेन मुर्मू , तेसार सिरफा हुडिञ हेम्ब्रम आर पुनाङ सिरफा दो जोगेन माझी हामेट के आय । नोवा को ञेल लागिद सुर साड़गे रिन आयमा ञेञेलिया होड़ को गादेल लेना ।नोवा कामी होरा दो गेल पुन मौजा कोविज मुड़ुद माझी बाबा मेघराय सोरेन गोङके तिकिना: सुतु: आयुर ते बोछोर गे सापड़ाव आगु: काना , जाहाँते नावा पीढ़ी रिन गिदरा को हों आरी चाली बाञ्चाव लागिद सिखनात को ञामा ।नोवा ओक्तो रे कामी होरा सापड़ाविज धिराई हेम्ब्रम , मान आन माझी बाबा बलराम मार्डी , घासिया किस्कु , मोटका मुर्मू , हिमांशु सोरेन , सुभाष टुडू , प्रफुल्ल सोरेन , भागीरथी सोरेन , सोमाय मुर्मू , दिलीप हेम्ब्रम , सिलु टुडू , सुन्दर बेसरा , उमेश भूमिज आर सुकलाल टुडू एमान सेलेद को ताहें काना ।

फिरकल एनेज तुलुज पारूखिया को