इस्लाम समुदाय रिन ईद अडी रास्का रोमोज ते को मानाव के आ

इस्लाम समुदाय रिन ईद अडी रास्का रोमोज ते को मानाव के आ

ईद रेया: नमाज तुलूज इस्लाम समुदाय रिन होड़

मुसाबनी :- तीन नम्बर ठेना: ईदगाह मस्जिद रे ईद रेया: नमाज को पढ़ाव के आ । नोवा ओक्तो रे आयमा इस्लाम धोरोम रिन होड़ सेलेद काते ईद रेया: नमाज को पढ़ाव के आ । ईदगाह मस्जिद रे बार धाव को नमाज के आ । सेता: 8.30 बजे दो मौलाना बेहलुल दाना आर 9.30 बजे दो मौलाना गोशुल्ला जी आई नमाज ए पढ़ाव ओचो केत कोवा । नमाज मुचाद काते जोतो होड़ साला: गले मिलाव काते ईद रेया: बधाई को एमाद कोवा । नमाज पढ़ाव काते भारत दिशोम रे सुख शांति रेया: को दुआ के आ । शांति ते ईद हुयू: मा रेया: पुलिस पाहटा खोन जोतो मस्जिद रे को निगरानी के आ । मुसाबनी थाना प्रभारी राजा दिलावर आर इंस्पेक्टर मनोज कुमार मल्लिक दो पुलिस जवान साला: किन मुस्तैद लेना ।