झामुमो डुमरिया प्रखण्ड कमिटी दुपुड़ुब रे विधायक संजीव सरदार ए सेलेद एना

झामुमो डुमरिया प्रखण्ड कमिटी दुपुड़ुब रे विधायक संजीव सरदार ए सेलेद एना

भाजपा रिन होड़ को झामुमो रे सागुन दाराम तुलूज विधायक संजीव सरदार

डुमरिया :- प्रखण्ड रेया:वन विश्रामागार रे झारखण्ड मुक्ति मोर्चा कमिटी कोवा: प्रखण्ड स्तर रेया: दुपुड़ुब , प्रखण्ड अध्यक्ष मिर्जा सोरेन आ: अध्यक्षता रे हुय एना । नोवा दुपुड़ुब रे पोटका विधानसभा विधायक मानोतान संजीव सरदार गोङके साँवते २० सूत्री अध्यक्ष भगत बास्के, प्रमुख गंगामनी हाँसदा, उप प्रमुख चैतान मुर्मू, सचिव जयपाल सिंह मुर्मू, युवा मोर्चा प्रखण्ड अध्यक्ष भगत हाँसदा, लाल बिहारी भकत, मुखिया मालती मुर्मू आर सुरेश हेम्ब्रम एमान सेलेद को ताहें काना । नोवा ओक्तो रे लखाईडीह आश्रम रिन होड़ दो फुटा धोती एम काते विधायक संजीव सरदार गोङके को सारहाव केदेया । दुपुड़ुब रे दाराकान लोकसभा चुनाव इदी काते बुथ कमिटी बेनाव काते पार्टी केटेजो: बाबोत को चर्चा के आ ।ताजमन सिंह सरदार आ: सुतु: आयुर ते भारतीय जनता पार्टी खोन गेल बार होड़ झारखण्ड मुक्ति मोर्चा रे को मेसा एना । झारखण्ड मुक्ति मोर्चा केन्द्रीय सदस्य शंकर चन्द्र हेम्ब्रम दो बाहा माला आराव काते पार्टी रे को सागुन दाराम केत कोवा । नोवा ओक्तो रे विधायक संजीव सरदार दो कार्यकर्ता कोय मेताद कोवा जे जोतो गे पार्टी हित रे कामी काते आबोवा: जुमिद बोन केटेज आ । राज्य सरकार आ: जाहाँ तिना: गे योजना सेटेरो: आ ओना दो जोतो गे लाभ को ञाम मा ।