मुसाबनी रे साकरात पाराब रेया: मुचाद् दिन रे बी टी एम सी क्लब पाहटा खोन बाहुवान कोड़ा आर डांगुवा कोड़ा को ताला रे फुटबॉल मैच हुय एना

मुसाबनी रे साकरात पाराब रेया: मुचाद् दिन रे बी टी एम सी क्लब पाहटा खोन बाहुवान कोड़ा आर डांगुवा कोड़ा को ताला रे फुटबॉल मैच हुय एना

मित तेया: जुमिद चितर रे बाहुवान कोड़ा आर डांगुवा कोड़ा टीम

मुसाबनी : आदिबासी संताल सांवता रेया: आरी चाली लेका ते साकरात पाराब रेया: मुचाद् दिन आखान जातरा को मानाव आगु एद् आ । निया हिलो: जाहाना: गे नावा कामी को एहोब् आ ।ओना इदी काते बी टी एम सी क्लब पाहटा खोन टेटाबदिया फुटबॉल डाही रे बाहुवान कोड़ा आर डांगुवा कोड़ा को ताला रे फुटबॉल मैच को हुय ओचो केद् आ । टेटाबदिया आतु रिन आतु होड़ को साला: सुलुक सगई बेनाव दोहो आगु लागित सांगिञ बाहरे कामी खोन रूवड़ काते आतु रे नोवा खेलोन्ड लागिद् सेलेद् रे को ताहेना । नोवा मैच रे मेतटां हाहाड़ा जिनिस दो जे जाहाँय बाहु साला: ए बापाग आकाना आर बाङ खान जाहाँइज बाहुय ञिर बागी आकाद् देया उनी दो रेफरी, लाइन्समेन को बेनाव एया । फुटबॉल मैच दो आडी गे रोमोज ताहें काना । बाहरे कामी खोन रूवड़ आकान कोड़ा को आतु रिन गाते को साला: खेल ञापाम काते आडी रास्का को आयकाव के आ । नोवा मैच दो सेदाय खोन नोङका गे हेज् आगु आकाना। जितकार टीम दो सोरेस सारहाव सिरफा को एमाद् कोवा । नोवा ओक्तो रे खुदीराम हेम्ब्रम , सकला हेम्ब्रम , शिवचरण मुर्मू , सुभाष माझी , अंता मार्डी , गुला मुर्मू , गणेश सोरेन , किताय सोरेन एमान साँवते आतु रिन आयमा गादेल कोड़ा सेलेद् रे को ताहें काना ।

रिपोर्ट : धनुराम टुडू