मुसाबनी रेया: सुरदा रे टुसू पाता को सापड़ाव लेद् आ
 |
| सिरफा चाल ओक्तो माराङ पेड़ा देवयानी मुर्मू |
मुसाबनी : प्रखण्ड सुरदा पंचायत रेया: साउथ सुरदा आतु रे मंगलवार हिलो: सुरदा आतु टुसू पाता समिति पाहटा खोन टुसू पाता को सापड़ाव लेद् आ । नोवा रे मारां पेड़ा लेकाते घाटशिला जिला परिषद देवयानी मुर्मू , समाजवादी पार्टी रिनिज् उपाध्यक्ष नसीम बक्स, सुरदा पंचायत मुखिया ईसाक बखला, पंचायत समिति सदस्य फुलमुनी मुर्मू आर 9 टी आतु रिन माझी बाबा, सेलेद् रे को ताहें काना । नोवा ओक्तो रे जोतो माझी बाबा को दो बोहो: रे दहड़ी काते को सागुन दाराम केत कोवा । टुसू पाता रे आयमा गादेल होड़ को सेलेद् लेना । नाना हुनार लेकाना: होरो: बाँदे आते सेटेर आकान होड़ को एनेज् सेरेञ ते पाता आखड़ा मा को गुडगुडाव चाबा केत आ । नोवा साँवते नापाय से सोरेस टुसू हेपराव हों ताहे काना । जाहाँइज् टुसू सोरेस मेनते को बाछाव एया उनी दो सिरफा चाल काते को सारहाव केदेया । नोवा ओक्तो रे सुरदा आतु माझी लखन टुडू , सोहदा आतु माझी दिलीप हेम्ब्रम , बाड़ाघाट आतु माझी रायसेन सोरेन , ताम्बाजुड़ी आतु माझी फुरमाल टुडू , कदमडीह आतु माझी धुनू टुडू , सुरदा माझी सुतरेद् मिर्जा टुडू , सुरदा पंचायत उप मुखिया सुन्तली तमांग , वार्ड सदस्या फुलमुनी टुडू , 12 मौजा रिनिज् सुतरेद् सोमाय टुडू , शेख इस्लाम साँवते टुसू पाता कमिटी रिन कामिया को सेलेद् ताहें काना ।
 |
| टुसू पाता रे को एनेज् कान नाचोनिया आर ञेञेलिया |
रिपोर्ट : धनुराम टुडू
Tags:
मुसाबनी