ओल गुरू पंडित रघुनाथ मुर्मू वा: जानाम माहा को मानाव के आ

ओल गुरू पंडित रघुनाथ मुर्मू वा: जानाम माहा को मानाव के आ

जादुगोड़ा रे पंडित रघुनाथ मुर्मू वा: जानाम माहा मानाव तुलूज आतु होड़ को

डुमरिया :- प्रखण्ड रेया: जादुगोड़ा आतु रे ओल चिकी रिनिज सिरजोनिया पंडित रघुनाथ मुर्मू वा: जानाम माहा अडी जोमोक ते को मानाव के आ । जानाम माहा मानाव कामी होरा दो माझी बाबा मानोतान सिंधो हाँसदा गोङके तिकिना: सुतु: आयुर ते हुय एना । नोवा ओक्तो रे टाटा स्टील फाउंडेशन होतेते चाला: कान ओल चिकी आसड़ा रिन आयमा पाठुवा गिदरा साँवते गादेल आतु होड़ सेलेद को ताहें काना । कामी होरा एतोहोब रे गुरू गोङके या: चितार रे बाहा माला आराव काते, माचेद परमेश्वर हाँसदा आर रमन टुडू तिकिन किन बोंगा बुरू के आ । पाठुवा गिदरा को दो अडी रास्का रोमोज आते गुरू गोङके को उयहार आंजले केदेया । कान्हेड़ तेया: काथा जे 5 मई 1905 हिलो: ओडिशा पोनोत रेया: मयूरभंज जिला, डांडबूस डाहारडीह आतु रे ओल गुरू पंडित रघुनाथ मुर्मू दोय जानाम लेना । ओनाते नोवा माहित रे गुरू गोङके या: जानाम माहा दो सानाम जायगा रे जोमोक ते मानाव आगु एदा । जादुगोड़ा आतु  रे जानाम माहा मानाव साँवते पंडित रघुनाथ मुर्मू चौक को ञुतूम केद ते को एनेज सेरेञ के आ । नोवा ओक्तो रे चैतान हाँसदा, पैटेन टुडू, ठाकुर सोरेन, सिरमत मार्डी, राजेन टुडू, पिथो सोरेन एमान सेलेद् को ताहें काना । नोङका गे मुसाबनी प्रखण्ड रेया: टेटा बदिया आसेका रे हों ओल गुरू गोङके पंडित रघुनाथ मुर्मू वा: जानाम माहा रे बोंगा बुरू आते को मानाव के आ ।

• read more - 1 मुसाबनी माझी पारगाना माहाल प्रखण्ड कमिटी 

                                 2 रविन्द्र नाथ टैगोर जानाम माहा